काठमाडौं । आयरल्याण्डले आईसीसी टी-ट्वान्टी विश्वकप क्रिकेटमा विजयी सुरुआत गरेको छ ।
सोमबार भएको खेलमा नेदरल्यान्ड्सलाई ७ विकेटले पराजित गर्दै आयरल्याण्डले सुखद सुरुआत गरेको हो।
युएईको आबुधाबीमा नेदरल्यान्ड्सले दिएको १ सय ७ रनको लक्ष्य आयरल्याण्डले १५ ओभर १ बलमा ३ विकेट गुमाएर पूरा गर्यो ।
आयरल्याण्डको जितमा ग्यारेथ डेनिलीले ४४ रन बनाए । यस्तै पाउल स्ट्रर्लिङले ३० रन बनाए ।
नेदरल्यान्ड्सका फ्रेड क्लासेन, ब्राण्डन ग्लोभर र पिटर सिलारले एक एक विकेट लिए ।
यस अघि पहिले ब्याटिङ गरेको नेदरल्यान्ड्सले २० ओभरमा अलआउट हुँदै १ सय ६ रन बनाएको थियो ।
नेदरल्यान्ड्सका लागि म्याक्स ओ'डोडले ५१ रनको अर्धशतकीय इनिङ्स खेले ।
कप्तान पिटर सिलारले २१ रन बनाए । कोलिन र लोगान भान विकले ११/११ रन जोडे ।
नेदरल्यान्ड्सलाई सस्तैमा समेट्न आयरल्याण्डका कर्टिस क्याम्फरले ४ बलमा ४ विकेट लिए । उनी लगातार ४ बलमा ४ विकेट लिने तेस्रो खेलाडी हुन् ।
यस्तै मार्क एडिरले ३ विकेट लिए ।
-1737460036.png)
