काठमाडौं । युएई र ओमानमा जारी आईसीसी टी-ट्वान्टी विश्वकप क्रिकेटमा आज सोमबार दुई खेलहरु हुँदैछन् ।
ओमानको अल अमारतमा आज पहिलो चरण अन्तर्गतका दुई खेलहरु हुने छन् ।
पहिलो खेलमा आयरल्याण्ड र नेदरल्यान्ड्सबीच प्रतिस्पर्धा हुनेछ । आयरल्याण्ड र नेदरल्यान्ड्सबीचको खेल दिउँसो ३:४५ बजे सुरु हुनेछ ।
आज दुबै टिम जित निकाल्दै सुखद सुरुआत गर्ने योजनामा हुनेछ ।
यस्तै दोस्रो खेलमा श्रीलंका र नामिबियाबीच प्रतिस्पर्धा हुनेछ ।
श्रीलंका र नामिबियाबीचको खेल राति ७:४५ बजे सुरु हुनेछ ।
श्रीलंका र नामिबिया पनि जित निकाल्दै सुखद सुरुआत गर्ने योजनासहित मैदान उत्रने छन् ।
यस अघि ओमान र स्कटल्याण्डले विजयी सुरुआत गरिसकेका छन् ।
विश्वकपको पहिलो चरणमा ८ टोलीले प्रतिस्पर्धा गरिरहेका छन् ।
पहिलो चरणमा बंगलादेश, श्रीलंका, आयरल्याण्ड, नेदरल्याण्ड्स, स्कटल्याण्ड्स, नामिबिया, ओमान र पपुवा न्युगिनी रहेका छन् ।
पहिलो चरणबाट चार टिम सुपर १२ मा प्रवेश गर्नेछन् ।
