काठमाडौं। बोरिस अधिकारीले दोश्रो टिम टेनिस नेपाल जेटीआई जुनियर ओपन टेनिस प्रतियोगिताको यु–१२ ब्वाइज सिंगल्समा शुक्रबार स्वर्ण जितेका छन् ।
टिम टेनिस नेपालद्वारा आयोजित प्रतियोगितामा बोरिसले दर्शिल श्रेष्ठलाई ६–१ र ६–१ को सोझो सेटमा फाइनलमा पराजित गरे । सोही स्पर्धाको गर्ल्स उपाधि भिडन्तमा कर्मिष्ठा श्रेष्ठले समृद्धि महर्जनलाई २–६, ७–६ र ७–५ को सेटमा हराउदै पहिलो भइन् ।
यु–८ ब्वाइज सिंगल्स फाइनलमा विश्वविशेष दल्लाकोटीले सुजन कुइकेललाई ११–९ र १०–२ को सेटमा पाखा लगाउदै स्वर्ण जिते । उक्त स्पर्धाको गल्र्समा अनुश्री ध्वजुले निश्भीरत्न गोर्खालीलाई १०–८ र १०–५ को सेटमा पन्छ्याउदै शीर्ष स्थान हात पारिन् ।
