काठमाडौं । सन्जोग ब्लोन र शिभाली गुरुङ दोश्रो टिम टेनिस नेपाल जेटीआई जुनियर ओपन टेनिस प्रतियोगितामा बुधबार पहिलो भएका छन् ।
सन्जोग यु–९ ब्वाइज सिंगल्स तथा शिभाली यु–१० गर्ल्स सिंगल्समा पहिलो भएका हुन् ।
धापासीस्थित आयोजक टिम टेनिस नेपालको कोर्टमा भइरहेको प्रतियोगिताको यु–९ ब्वाइज सिंगल्स फाइनलमा सन्जोगले साम्खाहाङ राईलाई ५–४ (५), ४–५ (५) र १०–१ ले पराजित गरे ।
सोही उमेरसमूहको स्पर्धामा आयुश्री हजुर घले र मेरिशा थापाले फाइनलमा स्थान पक्का गरे ।
यु–१० गर्ल्स सिंगल्सको उपाधि भिडन्तमा शिभालीले आयुशा जिसीलाई ६–१ र ६–० को सोझो सेटमा हराइन् । यु–१४ गर्ल्स सिंगल्समा सुनिरा थापा, जेनी खड्का, आध्या पौडेल र प्रशंसा मोक्तान सेमिफाइनलमा पुगे । यु–१२ गर्ल्स सिंगल्समा नाला मास्के, कर्मिस्था श्रेष्ठ, समृद्धि महर्जन र प्राज्ना मानन्धरले सेमिफाइनलमा स्थान सुरक्षित गरे ।
यु–१२ ब्वाइज सिंगल्समा दर्शिल श्रेष्ठ, निशाद जोशी, श्रृजन भट्टराई र बोरिस अधिकारीले सेमिफाइनल यात्रा तय गरे । प्रणव मानन्धर, निश्चल कायश्थ, आयुशमान हजुर घले र राजवीर प्रधानले यु–१४ ब्वाइज सिंगल्सतर्फ सेमिफाइनलमा स्थान पक्का गरे ।
