काठमाडौं । चौंथो संस्करणको एभरेष्ट प्रिमियर लिग (ईपीएल) टी-ट्वान्टी क्रिकेटमा आज आइतबार दुई खेलहरु हुँदैछन् ।
टियु क्रिकेट मैदानमा हुने पहिलो खेलमा विराटनगर वारिवर्स र चितवन टाइगर्स भिड्ने छन् । विराटनगर र चितवनबीचको खेल बिहान ९:३० बजे सुरु हुनेछ ।
करण केसीको कप्तानीमा मैदान उत्रने विराटनगर सुखद सुरुवातको योजनामा हुनेछ ।
सोमपाल कामीको कप्तानीमा रहेको चितवन समेत विजयी सुरुवात गर्न चाहन्छ ।
यस्तै दोस्रो खेलमा भैरहवा ग्लाडीयटर्स र पोखरा राइनोजबीच प्रतिस्पर्धा हुनेछ ।
भैरहवा र पोखराबीचको खेल दिउँसो १:३० बजे सुरु हुनेछ ।
भैरहवा शरद भेषवाकरको कप्तानीमा मैदान उत्रने छ । चितवनको कप्तानी विनोद भण्डारीले गर्नेछ ।
यस अघि काठमाडौं किङ्स-११ ले विजयी सुरुवात गरिसकेको छ ।
शनिबार भएको उद्घाटन खेलमा काठमाडौंले साविक विजेता ललितपुर प्याट्रीयट्सलाई ७ विकेटले पराजित गरेको थियो ।
