महबुबलाई ईपीएलले सम्मान गर्ने

काठमाडौं । एभरेष्ट प्रिमियर लिग (ईपीएल) टी-ट्वान्टी क्रिकेटले पूर्व राष्ट्रिय खेलाडी महबुब आलमलाई सम्मान गर्ने भएको छ ।

ईपीएलले बुधबार चौंथो संस्करणको प्रतियोगिता दौरान महबुबलाई सम्मानित गर्ने जनाएको छ । ईपीएलले आलमलाई असोज १६ गते सम्मान गरिने जनाएको छ ।

चौंथो संस्करणको ईपीएल शनिबार सुरु हुँदैछ ।

कीर्तिपुरस्थित टियु क्रिकेट मैदानमा आयोजना हुने ईपीएलमा ६ शहरका फ्रेन्चाइज टिमले प्रतिस्पर्धा गर्ने छन् ।

महबुब लामो समयबाट राष्ट्रिय टिम बाहिर रहदै आएका छन्  । उनले सन्यास भने घोषणा गरेका छैनन् ।

गिनिज बुकमा नाम लेखाउन सफल महबुबले चाडै सन्यास लिने योजना बनाएका छन्  ।

अलराउण्डर महबुबले सन् २००८ मा मोजाम्बिकविरुद्ध एकै खेलमा १० विकेट लिँदै कीर्तिमान कायम गरेका थिए ।