काठमाडौं । ईन्डियन प्रिमियर लिग क्रिकेट (आईपीएल) टी-ट्वान्टी क्रिकेट टिम रोयल च्यालेन्जर्स बैंगलोरका कप्तान विराट कोहलीले पद छाड्ने घोषणा गरेका छन् ।
भारतीय क्रिकेट टिमका कप्तान समेत रहेका कोहलीले आइतबार कप्तानी छाड्ने घोषणा गरेका हुन् ।
ब्याट्सम्यान कोहलीले आईपीएलको यस सिजनको समाप्तिसँगै कप्तानी छाड्ने बताएका छन् ।
कोहली सन् २०१३ बाट बैंगलोरको कप्तान रहेका छन् ।
कोहलीको कप्तानीमा बैंगलोरले १ सय ३२ खेलमा ६२ जित निकालेको छ । ६६ खेलमा पराजित हुँदा ४ खेल नतिजा विहीन सकिएको छ ।
कोहलीले गत साता भारतको टी-ट्वान्टी टिमको कप्तानी छाड्ने घोषणा गरेका थिए ।
कोहलीले युएई र ओमानमा आयोजना हुने टी-ट्वान्टी विश्वकपपछि आफु टी-ट्वान्टीको कप्तान नहुने बताएका छन् ।
कोहलीले यस अघि भारतीय टिमको तीनै फर्म्याटको कप्तानी गरिरहेका थिए ।
