काठमाडौं । विश्व नम्बर एक नोभाक जोकोभिच युएस ओपन टेनिसको सेमिफाइनलमा प्रवेश गरेका छन्।
बिहीबार भएको क्वाटरफाइनलमा इटालीका माटियो बेरेट्टीनिलाई पराजित गर्दै जोकोभिचले अन्तिम चारको यात्रा तय गरेका हुन्।
पहिलो सेट ५-७ ले गुमाएको सर्बियन जोकोभिचले पुनरागमन गर्दै जित निकालेका हुन् । त्यसपछिको सेट जोकोभिचले ६-२,६-२ र ६-३ ले आफ्नो बनाए ।
३४ वर्षीय जोकोभिच कीर्तिमानी २१ पटक ग्रान्डस्लाम जित्ने योजनामा रहेका छन् ।
अब जोकोभिचले सेमिफाइनलमा जर्मनीका एलेक्सजेन्डर ज्वेरभसँग खेल्ने छन् ।
एलेक्सजेन्डरले दक्षिण अफ्रीकाका लोयड ह्यारिसमाथि ७-६(८-६), ६-३ र ६-४ को सेटमा जित निकाल्दै अन्तिम चारको यात्रा तय गरेका हुन् ।
