ब्राजिली रोनाल्डो भन्छन्, ‘पीएसजीले जित्छ भन्ने केही छैन्’

काठमाडौं । रियल मड्रिडका ब्राजिली पूर्व स्ट्राइकर रोनाल्डो के मान्छन् भने पेरिस सेन्ट जर्मेन (पीएसजी) ले युरोपेली च्याम्पियन्स लिग जित्छ भन्ने केही पनि छैन् ।

लियोनल मेस्सी पनि टिममा सम्मिलित भएपछि पीएसजीले अब युरोपेली क्लब फुटबलको सर्वोच्च प्रतियोगिता जित्नेछ भन्ने अहिले धेरै निस्केका छन्।

अर्को स्पेनी क्लब रियल भालाडोलिडका अध्यक्ष समेत रहेका रोनाल्डोको मत रहेको छ, कागजमा जत्तिकै राम्रो टिम भए पनि यसले नै सफलता चुम्छ भन्ने हुन्न् ।

स्पेनी मिडियासँगको अन्तर्वार्तामा उनी भन्छन्, ‘अहिले नै च्याम्पियन्स लिग कसले जित्छ भनेर अनुमान गर्नु पनि ठीक हुन्न, पीएसजी बलियो टिम भने छ ।’

उनी थप्छन्, ‘त्यसैले पीएसजी उपाधिका लागि एउटा प्रत्यासी भने हो । खासमा सम्भावित विजेताको तस्बिर क्वाटरफाइनल चरण पुगेपछि मात्र तयार हुन्छ । च्याम्पियन्स लिग कसले जित्छ भन्ने टुंगो लाग्न केही खास खास तत्त्व छन् र यसको उपाधि यात्रामा ठूलो भूमिका हुन्छ ।’ उनले यसका लागि आफ्नै उदाहरण पनि पेस गरेका छन् ।

रोनाल्डोले पाँच वर्ष रियलमा बिताए र त्यो समय टिम निकै बलियो थियो । टिममा एकसेएक नाम चलेका खेलाडी थिए । त्यसैले रियललाई ‘ग्यालाटिकोस’ भन्थे ।

रोनाल्डो भन्छन्, ‘तर मैले कहिले पनि च्याम्पियन्स लिग जितिनं । उपाधि जित्ने काम कहिले पनि स्वतस् हुन्न । राम्रा खेलाडीले मात्र कहिले पनि उपाधि जितिन्न । यही तथ्य पीएसजीमा पनि लागू हुन्छ ।’

–मार्काको सहयोगमा ।