एन्फाको होस्टल व्यवस्थापन समितिद्वारा राजीनामा

काठमाडौं । अखिल नेपाल फुटबल संघ (एन्फा) को होस्टल व्यवस्थापन समितिले राजीनामा दिएको छ ।

दिनेश व्यञ्जनकारको संयोजकत्वमा रहेको ३ सदस्सीय समितिले मंगलबार सामूहिक राजीनामा बुझाएका हुन् ।

समितिका अरुणमान जोशी र राजेन्द्र न्यौपाने सदस्य रहेका थिए ।

समितिका पदाधिकारीले एन्फाका महासचिव इन्द्रमान तुलाधरलाई राजीना पत्र बुझाएका थिए ।

एन्फाका केन्द्रीय सदस्य समेत रहेका व्यञ्जनकारले काम गर्ने वातावरण नभएकोले राजीनामा दिएको बताए ।

'हामीलाई जिम्मेवारी दिएको थियो । तर, काम गर्ने वातावरण भएन । ओभरटेक भयो । त्यसैले आज राजीनामा दिएका हौँ,' खेलपाटीसँग व्यञ्जनकारले भने ।

यस अघि पनि समितिले काम गर्ने वातावरण नभएको भन्दै राजीनामा दिएका थिए ।

तर, काम गर्ने वातावरण मिल्ने आश्वासनपछि समितिले राजीनामा फिर्ता लिएका थिए ।