बेटिसका कप्तान जोआक्विनको नयाँ सम्झौता

एजेन्सी । स्पेनिस क्लब रियल बेटिसका कप्तान जोआक्विनले क्लबसँग नयाँ सम्झौता गरेका छन् ।

पूर्व स्पेनिस मिडफिल्डर समेत रहेका जोआक्विनले क्लबसँग थप एक वर्ष क्लबले रहने गरि सम्झौता गरेका हुन् ।

नयाँ सम्झौतासंगै जोआक्विनले ४० वर्षको उमेरसम्म ला लिगा खेल्ने भएका छन् ।

३९ वर्षीय जोआक्विन जुलाईमा ४० वर्ष पुग्ने छन् ।

जोआक्विन ला लिगामा गोल गर्ने सर्वाधिक बुढा खेलाडी हुन् ।

गत मार्चमा एल्भेसविरुद्ध उनले ३९ वर्ष ७ महिना ५ दिनको हुँदा गोल गरेका थिए ।

जोआक्विनले गत सिजन ३० खेल खेलेका थिए ।

उनले भ्यालेसिया र मालागाबाट समेत खेलिसकेका छन् ।

ला लिगामा उनले हालसम्म ५ सय ७९ खेल खेलेका छन् ।