नेदरल्यान्ड्सको फराकिलो जित

एजेन्सी । फिफा विश्वकप छनौट अन्तर्गत युरोपियन छनौटमा नेदरल्यान्ड्सले फराकिलो जित निकालेको छ ।

मंगलबार राति भएको खेलमा नेदरल्यान्ड्सले जिब्राल्टरलाई ७-० गोल अन्तरले पराजित गरेको हो ।

नेदरल्यान्ड्सको फराकिलो जितमा मेम्फिस डीपेले दुई गोल गरे ।

यस्तै स्टेभेन बेर्घुइस, लुक डी जंग, जर्जिनियो विज्नाल्डम, डोनएल मालेन र डोनी भान डे विकले एक एक गोल गरे ।

घरेलु टिमविरुद्ध पहिलो हाफमा १-० को अग्रता बनाएको नेदरल्यान्ड्सले दोस्रो हाफमा आधा दर्जन गोल गरेको थियो ।

यस जितसँगै नेदरल्यान्ड्सले ३ खेलमा ६ अंक जोडेको छ ।

समूह जीमा रहेको नेदरल्यान्ड्स दोस्रो स्थानमा रहेको छ ।

जिब्राल्टर अंक विहीन रहदै पुछारमा रहेको छ ।

यस समूहमा टर्की शीर्ष स्थानमा रहेको छ ।

टर्कीले ३ खेलमा ७ अंक जोडेको छ ।

मंगलबार राति टर्कीले लाटभियासँग ३-३ गोलको बराबरी खेलेको थियो ।

यस्तै यसै समूहको अर्को खेलमा नर्वेले मोन्टेनेग्रोलाई १-० ले हराएको छ ।