बराबरीमा रोकियो चर्च ब्वाइज

काठमाडौं । सहिद स्मारक 'सी' डिभिजन लिग फुटबलमा चर्च ब्वाइज युनाईटेड बराबरीमा रोकिएको छ ।

बिहीबार भएको खेलमा चर्च ब्वाइज सानेपा क्लबसँग गोलरहित बराबरीमा रोकिएको हो ।

एन्फा कम्प्लेक्स सातदोबाटोमा दुबै टिमले पाएको मौकालाई सदुपयोग गर्न सकेनन् ।

अघिल्ला तीन खेलमा जित निकालेको चर्च ब्वाइजले सानेपाविरुद्ध गोल गर्न असफल भयो ।

यस बराबरीसँगै चर्च ब्वाइजले ४ खेलमा १० अंक जोडेको छ ।

चर्च समूह 'बी' को शीर्ष स्थानमा रहेको छ ।

सानेपाको यो लगातार दोस्रो बराबरी हो ।

सानेपाले ४ खेलमा २ अंक जोडेको छ ।

लिगमा १४ टिमले प्रतिस्पर्धा गरिरहेका छन् ।

सहभागी टोलीलाई २ समूहमा विभाजन गरिएको छ । समूहको शीर्ष ३ टोलीले सुपर सिक्स चरणमा पुग्ने छन् । सुपर सिक्सको शीर्ष ३ टोली 'बी' डिभिजनमा बढुवा हुनेछ ।

यस्तै समूहको पुछारमा रहेको दुई टिमले प्ले अफ खेल खेल्नेछ । प्ले अफमा पराजित हुने टिम रेलिगेसनमा पर्नेछ ।