सिटी अन्तिम आठमा

एजेन्सी । इंग्लिस क्लब म्यानचेस्टर सिटी च्याम्पियन्स लिग फुटबलको क्वाटरफाइनलमा प्रवेश गरेको छ ।

मंगलबार राति भएको अन्तिम १६ को दोस्रो लेगमा जर्मन क्लब बोरुसिया मन्छेनग्लाडबाखलाई २-० ले पराजित गर्दै सिटी अन्तिम आठमा पुगेको हो ।

जर्मन क्लबविरुद्ध  सिटी समग्रमा ४-० को जितसहित अन्तिम आठमा पुगेको हो । पहिलो लेगमा सिटीले २-० कै जित निकालेको थियो ।

दोस्रो लेगमा सिटीलाई जित दिलाउन केभिन डी ब्रुएन र इल्के गुन्डोगानले एक एक गोल गरे ।

खेलको १२ औं मिनेटमा ब्रुएनले गोल गर्दै सिटीलाई अग्रता दिलाएका थिए । त्यसपछि खेलको १८ औं  मिनेटमा गुन्डोगानले गोल गर्दिया सिटीलाई २-० को सहज जित दिलाए ।

यससँगै सिटी लगातार चौंथो सिजन च्याम्पियन्स लिगको क्वाटरफाइनलमा पुग्न सफल भएको छ ।