काठमाडौं । काठमाडौं मेयर्स कप एकदिवसीय पुरुष क्रिकेट प्रतियोगितामा अहिले त्रिभुवन आर्मी क्लब र बागमती प्रदेशबीच प्रतिस्पर्धा भईरहेको छ ।
टियु क्रिकेट मैदानमा आर्मीविरुद्ध बागमतीले ब्याटिङ गरिरहेको छ ।
टस जितेर ब्याटिङ गरेको बागमतीका लागि पारस खड्काले शतक प्रहार गरेका छन् ।
पारसले १ सय २२ बलमा १०० रन पूरा गरेका हुन् । उनले ९ चौका र २ छक्का प्रहार गरे ।
आर्मी ३ खेलमा २ अंक जोडेर तेस्रो स्थानमा रहेको छ । बागमती २ अंक सहित चौंथो स्थानमा रहेको छ ।
दुबै टिमको फाइनल पुग्ने सम्भावना रहेको छ । तर, अन्तिम खेलमा दुबै टिमलाई जितेर मात्र पुग्ने छैन ।
दुबै टिमलाई एपीएफको खेलको नतिजामा भर पर्नु पर्नेछ । यदि एपीएफले जितेमा दुबै टिम बाहिरिने छ ।
