काठमाडौं । काठमाडौं मेयर्स कप एकदिवसीय पुरुष क्रिकेट प्रतियोगितामा आज लिग चरणका दुई खेलहरु हुँदैछ ।
टियु क्रिकेट मैदानमा हुने खेलमा एपीएफ क्लबले काठमाडौं मेयर-११ सँग प्रतिस्पर्धा गर्नेछ ।
काठमाडौंविरुद्ध मैदान उत्रदा एपीएफ तेस्रो जितको खोजीमा हुनेछ ।
एपीएफ जित निकाल्दै फाइनल पुग्ने लक्ष्यमा समेत रहेको छ ।
काठमाडौंलाई हराउँन सकेमा एपीएफ प्रतियोगिताको फाइनलमा पुग्नेछ ।
पुलिस यस अघि नै फाइनल पुगिसकेको छ । अब एक टिम फाइनल पुग्न बाँकी रहेको छ ।
एपीएफ ३ खेलमा ४ अंक जोडेर तालिकाको दोस्रो स्थानमा रहेको छ ।
काठमाडौं ३ खेलमा २ अंक जोडेर पुछारमा रहेको छ । काठमाडौंको पनि फाइनल पुग्ने गणितीय सम्भावना रहेको छ ।
यस्तै मुलपानी क्रिकेट मैदानमा हुने खेलमा त्रिभुवन आर्मी क्लबले बागमती प्रदेशसँग खेल्नेछ ।
आर्मी ३ खेलमा २ अंक जोडेर तेस्रो स्थानमा रहेको छ । बागमती २ अंक सहित चौंथो स्थानमा रहेको छ ।
दुबै टिमको फाइनल पुग्ने सम्भावना रहेको छ । तर, अन्तिम खेलमा दुबै टिमलाई जितेर मात्र पुग्ने छैन ।
दुबै टिमलाई एपीएफको खेलको नतिजामा भर पर्नु पर्नेछ । यदि एपीएफले जितेमा दुबै टिम बाहिरिने छ ।
