चितवन । नेपाली क्रिकेट समर्थक समाज (एनसीएसएस) का केन्द्रिय सचिब तथा चितवन निवासी अधिवक्ता शुभ राज दुलालले भरतपुरमा निर्माणाधीन गौतम बुद्ध अन्तर्राष्ट्रिय क्रिकेट रंगशालालाई १ लाख रुपैया सहयोग गरेका छन् ।
रंगशाला निर्माणका लागि चलाईएको 'हाम्रो रंगशालामा मेरो कुर्सी' अभियान अन्तर्गत दुलालले १ लाख सहयोग गर्दै कुर्सीमा आफ्नो नाम लेखाएर सहयोग गरेका हुन् । दुलालले ७ नम्बरको कुर्सीमा आफ्नो नाम लेखाएर सहयोग गरेका हुन् ।
सहयोग रकम हस्तान्तरण गर्दै दुलालले क्रिकेट विकासका लागि सरकारले गर्नुपर्ने कामको अगुवाई कालाकारीता क्षेत्रमा लागेका व्यक्तिले गरेको भन्दै यो पुण्य कार्यमा सबैको सहयोग आवश्यक रहेको बताए ।
फाउण्डेसनले निर्माण स्थलमा उपस्थित भएर १ लाख सहयोग प्रदान गरि ७ नम्बरको कुर्सी आफ्नो नाममा सुरक्षित गरेकोमा दुलालप्रति आभार व्यक्त गरेको छ ।
