रुपन्देही । होराइजन क्रिकेट क्लब रुपन्देहीमा जारी एनटीसी रुपन्देही सुपर लिग क्रिकेटको फाइनलमा प्रवेश गरेको छ ।
बुधबार भएको खेलमा बुद्ध क्रिकेट क्लबलाई २ विकेटले पराजित गर्दै होराइजन उपाधि नजिक पुगेको हो ।
पहिले ब्याटिङ गरेको बुद्धले ४१ ओभर ५ बलमा अलआउट हुँदै १ सय ६१ रन बनाएको थियो ।
उसका लागि अजय त्रिपाठीले ४४ रन जोड्दा रिजन प्रजुले ३९ रन बनाए ।
होराइजनका शक्ति गौचनले ४ विकेट लिए । यस्तै पुरुषोत्तम भट्टराई र राहुल प्रजापतिले २/२ विकेट लिए ।
बुद्धले दिएको लक्ष्य होराइजनले ४२ ओभरमा ८ विकेट गुमाएर पूरा गर्यो ।
होराइजनको जितमा शक्ति गौचनले बैजित ४२ रन बनाए । यस्तै मनिस थापाले २७ रन जोड्दा सुमित पराजुलीले अविजित २४ रन बनाए ।
बुद्धका रुपेश कुर्मीले ४ तथा रिजन प्रजुले ३ विकेट लिए ।
अब फाइनलमा होराइजनले वेस्टर्न क्रिकेट एकेडेमी र खुकुरी क्लबबीचको विजेतासँग खेल्नेछ ।
