ग्रेट हिमालय र एन्जल्स सेमिफाइनलमा

काठमाडौं । ग्रेट हिमालय क्रिकेट एकेडेमी र एन्जल्स हार्ट एकेडेमीले नेपाल पाकिस्तान फ्रेन्डसिप टी- ट्वान्टी क्रिकेट प्रतियोगिताको सेमिफाइनलमा स्थान बनाएका छन् ।

धुम्बाराहीस्थित पाकिस्तान दूतावासको क्रिकेट मैदानमा बुधबार भएको खेलमा जित निकाल्दै ग्रेट हिमालय क्रिकेट एकेडेमीले सेमिफाइनलमा स्थान पक्का गरेको हो ।

ग्रेट हिमालय समूह 'सी' बाट ६ अंकसहित अन्तिम चारमा पुगेको हो । बुधबार नै भएको खेलमा पराजित एन्जल्स हार्ट नेट रन रेटका आधारमा समूह 'डी' बाट सेमिफाइनल पुग्यो ।

ग्रेट हिमालयले आर एस बिद्यापिठ एकेडेमीलाई ५ विकेटले पराजित गर्यो ।

टस हारेर फिल्डिङमा आएको आर एसले १९ ओभर ५ बलमा अलआउट हुँदै १ सय ५३ रन बनाउन सफल भयो । आर एसको लागि बिजय गौतमले अर्धशतकसहित सर्बाधिक ७५ रन बनाए भने अमृत थापाले ४२ रन बनाए । ग्रेट हिमालयको लागि बिज्ञान गौतमले सर्बाधिक ३ विकेट लिए भने मोहम्मद हुसैन र शुशान्त तिमिल्सिनाले २-२ विकेट लिए ।

१ सय ५४ रनको लक्ष्य सहित जवाफी ब्याटिङमा आएको ग्रेट हिमालय क्रिकेटले १९ ओभर २ बलमा ५ विकेट गुमाउदै निर्धारित दूरी पार गर्यो । ग्रेट हिमालयलाई दोस्रो जित दिलाउने क्रममा हेम्पन्त श्रीबास्तबले अर्धशतक सहित ५१ रन बनाए । यस्तै संगित बुढाथोकीले ४२ रन बनाए । आर एसको लागि अनुपम पाण्डेले २ विकेट लिए ।

दोस्रो खेलमा स्कुल अफ क्रिकेट ८ रनले बिजयी भयो ।

टस हारेर ब्याटिङ गरेको स्कुल अफ क्रिकेटले निर्धारित २० ओभरमा १ सय ६४ रन बनायो । उसको लागि सर्बोच्च बस्नेतले अर्धशतकसहित ५८ रन प्रहार गरे । एन्जल्सका लागि निवस कुवरले ३ विकेट लिए ।

१ सय ६५ रनको लक्ष्य सहित जवाफी ब्याटिङमा आएको एन्जल्स हार्ट क्लब १ सय ५६ रनमा समेटियो । उसको लागि मेघराजले सर्बाधिक ३९ रन बनाए । यता, स्कुलको लागि साकार अर्याल र समिरले समान ३-३ विकेट लिए ।