नेयमारले बार्सिलोनाविरुद्धको खेल गुमाउने

एजेन्सी । फ्रेन्च क्लब पेरिस सेन्ट जर्मेन (पीएसजी) का फरवार्ड नेयमारले स्पेनिस क्लब बार्सिलोनाविरुद्धको खेल गुमाउने भएका छन् ।

चोटको कारण नेयमारले च्याम्पियन्स लिगको अन्तिम १६ अन्तर्गत बार्सिलोनासँगको दोस्रो लेग खेल गुमाउने भएका हुन् ।

पीएसजी र बार्सिलोनाबीचको दोस्रो लेग खेल बिहीबार राति हुनेछ । खेल पीएसजीको मैदानमा हुनेछ ।

चोटको कारण नेयमारले बार्सिलोनासँगको पहिलो लेग खेल समेत गुमाएका थिए ।

पहिलो लेगमा पीएसजीले बार्सिलोनालाई ४-१ ले हराएको थियो ।

नेयमारले कोप डे फ्रान्स अन्तर्गत केनविरुद्धको खेलमा चोट बोकेका थिए ।