सरुको १० गोलमा मासाको फराकिलो जित

काठमाडौं । नेपाली राष्ट्रिय टिमका चार खेलाडी आबद्द मासा युनाईटेडले पाकिस्तान राष्ट्रिय महिला फुटबल च्याम्पियनसिपमा फराकिलो जित निकालेको छ ।

मंगलबार भएको पहिलो खेलमा मासा युनाईटेडले सियालकोट सिटीलाई १९-० गोल अन्तरले परजित गरेको हो ।

नेपाली राष्ट्रिय टोलीका गोलकिपर एन्जिला तुम्बाप्पो सुब्बाको कप्तानीमा मैदान उत्रिएको मासाले पहिलो खेलमै फराकिलो जित निकालेको हो ।

मासाको जितमा नेपालकी मिडफिल्डर सरु लिम्बुले १० गोल गरिन् । यस्तै नेपालकी अनिता केसीले ६ गोल गरिन् ।

यस्तै गीता राना, जारा इकबाल र सम्रोजले एक एक गोल गरिन् ।