पोखरा । १५ औं सस्करणको सफल अन्तर्राष्ट्रिय म्याराथन प्रतियोगिताको सम्पूर्ण तयारी पूरा भएको छ ।
आयोजक भूतपूर्व खेलाडी मञ्चले पोखरामा बिहीबार पत्रकार सम्मेलन गरी प्रतियोगिताको तयारी पूरा भएको जानकारी गराएको हो ।
फागुन १ गते आयोजना हुने म्याराथनतर्फ १ सय ५६ जना धावकले सहभागिता जनाउने छन् । महिला तर्फको हाफ म्याराथनमा आजसम्म १९ जना धावकले नाम दर्ता गराएको मञ्चका अध्यक्ष तेजबहादुर गुरुङले जानकारी दिए ।
कोरोना महामारीका कारण यस वर्ष विदेशी खेलाडीले प्रतियोगितामा सहभागिता नजनाउने मञ्चले जनाएको छ ।
कोरोनाले प्रभावित भएको खेल क्षेत्रलाई प्रवद्धन गर्न र सफल म्याराथनलाई निरन्तरता दिन प्रतियोगिता आयोजना गरिएको अध्यक्ष गुरुङले दिए ।
प्रतियोगिता सम्पन्न गर्न करिव ३ सय सुरक्षाकर्मी र १ सय ५० स्वयम सेवक परिचालन गरिने मञ्चका अध्यक्ष गुरुङले जानकारी दिए ।
फागुन १ गते शनिवार ४२ दशमलव १९ किलोमिटर दौड प्रतियोगिता बिहान ७ बजे पोखरा रगंशालाबाट शुरु भएर छोरेपाटन, लेकसाइट, बगर हुँदै पुन पोखरा रगंशालामा पुगेर सकिने छ । सोहीदिन हाफ म्याराथन दौड प्रतियोगिता आजोजना गरिएको छ ।
कोभिड १९ का कारण आवश्यक सुरक्षा मापदण्ड पालना गर्दै १५ औं संस्करणको प्रतियोगितालाई ४ समूहमा विभाजन गरेर आयोजना गरिएको मञ्चका अध्क्ष गुरुङले बताए ।
त्यस्तै फागुन २२ गते महिलापुरुष ह्विल चियर दौड प्रतियोगिता हुने छ । त्यसैगरी चैत १४ गते १० किमी महिलापुरुष दौड प्रतियोगिता हुने अध्यक्ष गुरुङले बताए । त्यसैगरी आगामी बैशाख ४ गते शनिबार ५ किलो मिटर विद्यार्थी दौड प्रतियोगिताको आयोजना गरिएको छ । यो पटक रन फर फन नहुने आयोजकले जनाएको छ । यो पटकबाट महिलालाई थप आकर्षित गराउन महिला म्याराथनलाई पनि समावेश गरिएको पत्रकार सम्मेलनमा अध्यक्ष गुरुङले जानकारी दिए ।
यस वर्षको अन्तर्राष्ट्रिय म्याराथन विजेताले चार लाख रुपैयाँ नगद पुरस्कार प्राप्त गर्नेछ । हाफ म्याराथन विजेताले भने एक लाख, द्धित्तीय हुनेले ७५ हजार, तृतीय ५० हजार र चौथो १५ हजार रुपैयाँ नगद पुरस्कार प्राप्त गर्ने भएका छन् ।
ह्वीलचियर दौड (महिलारपुरुष) मा प्रथम हुनेले सात, द्धित्तीय हुनेले पाँच र तृतीय हुनेले तीन हजार रुपैयाँ नगद पुरस्कार प्राप्त गर्नेछन् । यस्तै दृष्टिविहीन (महिलारपुरुष) दौडमा प्रथम हुनेले सात, द्धित्तीय हुनेले पाँच र तृतीय हुनेले तीन हजार रुपैयाँ नगद पुरस्कार प्राप्त गर्नेछन् ।
यसैगरी १० किमि दौड (महिलारपुरुष) मा प्रथम हुनेले १५ हजार, द्धित्तीय हुनेले १० र तृतीय हुनेले पाँच हजार रुपैयाँ नगद पुरस्कार प्राप्त गर्ने छन् । पाँच किमि विद्यार्थी दौड विजेताले प्रथमले १० हजार र द्धित्तीयले आठ हजार रुपैयाँ नगद पुरस्कार प्राप्त गर्ने अध्यक्ष गुरुङले जानकारी दिए ।प्रतियोगिताका लागि सफल डेरीले मुख्य प्रायोजन गरेको छ ।
प्रतियोगिता सम्पन्न गर्न ५ लाख ६० हजार खर्च लाग्ने अनुमान गरिएको रहेको सो म्याराथनलाई संघ सरकारले ५ लाख , प्रदेश सरकार र पोखरा महानगरले १०, १० लाख आर्थिक सहयोग रहेको आयोजकले जनाएको छ ।
