टोटेनहमका केनले बोके चोट

एजेन्सी । इंग्लिस प्रिमियर लिग क्लब टोटेनहमका फरवार्ड ह्यारी केनले चोट बोकेका छन् ।

प्रिमियर लिग अन्तर्गत बिहीबार राति लिभरपुलविरुद्धको खेलमा केनले चोट बोकेका हुन् ।

घरेलु मैदानमा भएको खेलमा केनको दुबै खुट्टाको एन्कलमा चोट लागेको थियो ।

लिभरपुलका जोर्डन हेन्डरसनसँग जुध्न पुग्दा उनको देब्रे खुट्टाको एन्कलमा चोट लागेको थियो ।

यस्तै लिभरपुलका थियागोको ट्याकलमा उनको दाहिने खुट्टाको एन्कलमा चोट लागेको हो ।

चोटका कारण उनि ४६ औं मिनेटमा मैदानबाट बाहिरिएका थिए ।

दुबै खुट्टाको एन्कलमा चोट बोकेपछि केन केहि हप्ता मैदान बाहिर रहने भएका छन् ।

लिभरपुलविरुद्धको खेल टोटेनहमले ३-१ ले गुमाएको थियो ।