आईपीएलको अक्सन फेब्रुअरीमा

एजेन्सी । सन् २०२१ को इन्डियन प्रिमियर लिग (आईपीएल) टी-ट्वान्टी क्रिकेटको अक्सन फेब्रुअरीमा हुने भएको छ ।

क्रिकेट सम्बन्धि वेबसाइट ईएसपिएनक्रिकइन्फोले आईपीएलले अक्सन फेब्रुअरी ११ मा गर्ने तयारी गरेको जनाएको छ ।

तर, आईपीएलले आधिकारिक रुपमा अक्सनको मिति तोकेको छैन ।

यस्तै आईपीएलले टिमलाई खेलाडी रिलिज र रिटेनको मिति जनवरी २० सम्मको दिएको बताईएको छ ।

अक्सन हुने स्थान र अक्सन कस्तो हुने भन्नेबारे निर्णय नभईसकेको बताईएको छ ।

कोरोना भाईरसको महामारीको कारण अक्सनबारे छलफल जारी रहेको क्रिकइन्फोले जनाएको छ ।

यस अघि कोरोनाको महामारी बाबजुत १३ औं संस्करणको आईपीएल युएईमा भएको थियो ।

फाइनलमा दिल्लीलाई हराएर मुम्बईले उपाधि जितेको थियो ।