फेरि त्यही खेलमा फर्कने हो भने अष्ट्रेलियाले टस जितेर पहिले फिल्डिङ रोज्यो र पाहुना टिम यसक्रममा १ सय ९० रन बनाएर अलआउट भयो । जवाफमा अष्ट्रेलियाले सजिलै विजयी लक्ष्य पछ्याएको थियो, पाँच विकेट गुमाएर । त्यसो भनेको पाँच विकेटको जित । यो त्यही समय थियो, जति बेला पारम्परिक क्रिकेटमा दर्शक घट्दो थियो ।
आम दर्शकसँग चार पाँच दिन चल्ने क्रिकेट समय हुन छाडेको थियो, यस्तोमा यो वान–डे क्रिकेट यो खेललाई जीवन्त राख्न निर्णायक बन्यो । सुरु सुरुमा वान–डे क्रिकेटको आलोचना गर्ने पनि उत्तिकै थिए । यसलाई उनीहरू सक्कली क्रिकेट मान्न नै अस्विकार गर्थे, बरू भन्थे यो त क्रिकेटमा छिरेको नाटक मात्र हो ।
तर समयसँगै यसको लोकप्रियता बढ्दै गयो । अब त विश्व क्रिकेटको सबैभन्दा ठूलो उपाधि नै वान–डे क्रिकेटको विश्वकप रहेको छ । अचेल अन्तर्राष्ट्रिय क्रिकेट तीन प्रकारले खेलिन्छ, टेस्ट, वान–डे र ट्वान्टी ट्वान्टी । ट्वान्टी ट्वान्टी क्रिकेटको जन्मसँगै वान–डे क्रिकेट हराउन डर थियो, तर यस्तो भएन् । यो अझै उत्तिकै लोकप्रिय छ, रोमाञ्चक छ ।
वान–डे क्रिकेटलाई जन्मदिनको शुभकामना ।
–एजेन्सीहरूको सहयोगमा
