काडिज ला लिगाको शीर्ष दुईमा

एजेन्सी । स्पेनिस ला लिगा फुटबलमा नव प्रवेशी क्लब काडिजले आइबरलाई पराजित गरेको छ ।

शुक्रबार राति भएको खेलमा काडिजले आइबरलाई २-० ले पराजित गरेको हो ।

आइबरको मैदानमा ३६ औं मिनेटमा अल्भारो नेग्रेडोले गोल गर्दै काडिजलाई अग्रता दिलाएका थिए ।

त्यसपछि खेलको ३९ औं मिनेटमा साल्भी सान्चेजले गोल गर्दै काडिजलाई २-० को जित दिलाए ।

आइबरमाथिको जितसँगै काडिजले लिद लिडर रियल सोसिडाडसँग अंक बराबरी गरेको छ ।

यस्तै काडिज लिगको दोस्रो स्थानमा उक्लिएको छ ।

काडिजले ८ खेलमा १४ अंक जोडेको छ ।

आइबरको भने यो चौंथो हार हो । आइबर ८ खेलमा ८ अंक जोडेर ११ औं स्थानमा रहेको छ ।