इंग्ल्यान्डका विश्वकप विजेता नोबीको निधन

एजेन्सी । इंग्ल्यान्ड फुटबल टिमका पूर्व मिडफिल्डर नोबी स्टाइल्सको निधन भएको छ ।

इंग्ल्यान्डका विश्वकप विजेता समेत रहेका नोबीले ७८ वर्षको उमेरमा शुक्रबार निधन भएको हो ।

लामो समयबाट अस्वस्थ रहेका नोबीको निधन भएको उनको परिवारले पुष्टि गरेको छ ।

इंग्ल्यान्डले सन् १९६६ को विश्वकप फुटबलको उपाधि जित्दा उनी टिमका मुख्य खेलाडी थिए ।

डिफेन्सिभ मिडफिल्डर नोबीले इंग्ल्यान्डका लागि २८ खेल खेलेका थिए ।

क्लब फुटबलमा उनले म्यानचेस्टर युनाईटेड, मिडल्सब्रो र प्रिस्टन नर्थबाट खेलेका थिए ।

नोबीले युनाईटेडका लागि १९६० देखि ७१ सम्म ३ सय ११ खेल खेलेका थिए ।