एजेन्सी । पुर्व विश्व नम्बर एक सेरेना विलियम युएस ओपन टेनिसको सेमिफाइनलमा प्रवेश गरेकी छिन् ।
बुधबार बिहान भएको खेलमा चेक रिपब्लिककी कारोलिना प्लिस्कोभालाई हराएर सेरेनाले अन्तिम चारमा स्थान बनाएको हुन् ।
२३ पटकको ग्राण्डस्लाम च्याम्पियन सेरेनाले आठौं वरीयता प्राप्त प्लिस्कोभामाथि ६-४ र ६-३ को जित निकालिन ।
६ पटकको च्याम्पियन सेरेनाले गत सेप्टेम्बरपछि पहिलोपटक ग्राण्डस्लाम टेनिसको सेमिफाइनलमा स्थान पक्का गरेकी हुन् । गत बर्षको सेप्टम्बरमा छोरिलाई जन्म दिएपछि सेरेना पहिलो ग्रान्डस्लामको खोजिमा छिन् ।
अब सेरेनाले अनस्टासिजा सेभास्तोभासंग खेल्ने छिन् । सेभास्तोभाले क्वाटरफाइनलमा साबिकको बिजेता अमेरिकन स्लोअनी स्टेफेन्सलाई हराएकी थिइन् ।
यदी उनले जितेको खण्डमा सेरेनाको यो २४ औ मुख्य उपाधि बन्नेछ । र, उनले अष्ट्रेलियन खेलाडी मार्गरेट कोर्टको सर्वाधिक उपाधिको कीर्तिमान बराबरी गर्नेछिन् ।
