नेपालको नेतृत्वमा एन्फा प्रदेश २ गठन
काठमाडौ । अखिल नेपाल फुटबल संघ (एन्फा)ले प्रदेश नम्बर २ फुटबल संघ गठन गरेको छ ।
शनिबार चन्द्रनिगाहपुरमा एन्फाका केन्द्रिय अध्यक्ष कर्मा छिरिङ शेर्पाको उपस्थितिमा प्रदेश फुटबल संघ गठन भएको हो ।
यसअघि एन्फाले दुई वटा प्रदेशमा प्रदेश संघ गठन गरेको थियो ।
प्रदेश नम्बर १ र ४ गठन सम्पन्न गरेको एन्फाले तेस्रो प्रादेशिक संगठनको रुपमा प्रदेश नम्बर २ गठन गरेको हो ।
नव गठित प्रदेश नम्बर २ को अध्यक्ष पदमा नेपाल कार्की निर्विरोध निर्वाचित भएका छन् । यस्तै, वरिष्ठ उपाध्यक्षमा विजय कुमार गुप्ता र उपाध्यक्षहरुमा रामचन्द्र लामा, सुमन कुमार श्रेष्ठ, अमर खवास र रमेशकुमार श्रेष्ठ रहेका छन् ।
यस्तै, महासचिवमा सुरेश ठाकुर तथा कोषाध्यक्षमा ठाकुर बहादुर सुसलिङ्ग निर्विरोध निर्वाचित भए ।
सदस्यमा बाबुराम दाहाल, विनोद कार्की, लक्ष्मी चौधरी, दिनेश कुमार श्रेष्ठ, कुल प्रसाद गौतम, राम केवल मुखिया, ललिता कुमारी चौधरी, रामेश्वर साह र दिपक साह कानु निर्वाचित भए ।
प्रादेशिक गठन कार्यक्रममा केन्द्रबाट अध्यक्ष शेर्पा सहित उपाध्यक्ष शिक्षित पराजुलीको उपस्थिती रहेको थियो ।
