ओसाकाले बोकिन् चोट, अजारेन्का च्याम्पियन

एजेन्सी । बेलारुसकी भिक्टोरिया अजारेन्काले वेस्टर्न एण्ड साउदर्न (सिनसिनाटी) ओपन टेनिसको उपाधि जितेकी छिन् ।

न्युयोर्कमा जारी प्रतियोगिताको फाइनल नखेल्दै अजारेन्का च्याम्पियन बनेकी हुन् ।

फाइनल प्रतिद्वन्दी जापानकी नाओमी ओसाकाले चोटको कारण नाम फिर्ता लिएपछि अजारेन्का च्याम्पियन बनेकी हुन् ।

बायाँ खुट्टाको ह्यामस्ट्रिङ चोटको कारण ओसाकाले फाइनल त्यागेकी हुन् ।

यस अघि सेमिफाइनलमा अजारेन्का बेलायती नम्बर एक टेनिस खेलाडी जोहान्ना कोन्टालाई हराएर ओसाकासँग भेट पक्का गरेकी थिइन् ।

पहिलो सेमिफाइनलमा ओसाकाले बेल्जियमकी एलिस मेर्टेन्सलाई हराएकी थिइन् ।

पुरुषतर्फको फाइनलमा नोभाक जोकोभिच र क्यानडाका मिलोस रावनिक भिड्ने छन् ।