एजेन्सी । बेलायती नम्बर एक टेनिस खेलाडी जोहान्ना कोन्टा वेस्टर्न एण्ड साउदर्न (सिनसिनाटी) ओपनको क्वाटरफाइनलमा प्रवेश गरेकी छिन् ।
न्युयोर्कमा जारी प्रतियोगिताको तेस्रो चरणमा रसियन खेलाडी भेरा जेभोनारेभालाई पराजित गर्दै कोन्टा क्वाटरफाइनलमा प्रवेश गरेकी हुन् ।
२९ वर्षीय कोन्टाले साविक विजेता समेत रहेको भेरालाई ६-४ र ६-२ को सेटमा पराजित गरिन् ।
आठौं वरियताकी कोन्टाले भेराविरुद्ध जित निकाल्न एक घण्टा २१ मिनेटको समय निकालिन ।
कोन्टाले अब मारिया साक्करीसँग खेल्ने छिन् ।
साक्करीले सेरेना विलियम्सलाई पराजित गरिन् ।
पुरुषतर्फ विश्व नम्बर एक नोभाक जोकोभिकले क्वाटरफाइनलमा स्थान बनाएका छन् ।
सर्बियन खेलाडी जोकोभिकले टेनी स्यान्डग्रेनलाई ६-२ र ६-४ ले पराजित गरे ।
बेलायती खेलाडी एन्डी मर्रे भने तेस्रो चरणबाट बाहिरिएका छन् ।
तेस्रो चरणमा मर्रे क्यानाडाका मिलोस राओनिकसँग ६-२ र ६-२ को सेटमा पराजित भए ।
-1732413260.jpg)
