निशिकोरीको दोस्रो कोरोना रिपोर्ट पनि पोजेटिभ

एजेन्सी । जापानिज टेनिस स्टार केइ निशिकोरीको दोस्रो कोरोना रिपोर्ट पनि पोजेटिभ आएको छ ।

निशिकोरीले आफ्नो दोस्रो कोरोना रिपोर्ट पोजेटिभ आएको बताएका छन् ।

निशिकोरीले आफुलाई कोरोनाको सामान्य लक्षणहरु देखिएको र आईसोलेसनमा बसेको समेत बताएका छन् ।

'मलाई न्यून लक्षणहरु देखिएको छ र म अझै आइसोलेसनमा बसेको छु,' निशिकोरीले भनेका छन् ।

यस अघि उनलाई गत आइतबार कोरोना पोजेटिभ देखिएको थियो । जसको कारण उनले सिनसिनाटी ओपनबाट नाम फिर्ता लिएका थिए ।

यस्तै कोरोनाको दोस्रो रिपोर्ट समेत पोजेटिभ आएपछि निशिकोरीले युएस ओपन गुमाउने सम्भावना समेत बढेको छ ।

युएस ओपन अगस्ट ३१ मा न्युयोर्कमा सुरु हुनेछ ।

३० वर्षीय निशिकोरी सन् २०१४ मा युएस ओपनको फाइनल पुगेका थिए ।