सेरेना क्वाटरफाइनलमा पराजित

एजेन्सी । अमेरिकी खेलाडी सेरेना विलियम्स टप सिड ओपन टेनिसको क्वाटरफाइनलमा पराजित भएकी छिन् ।

लेक्सिनटनमा शुक्रबार राति भएको खेलमा सेरेना आफ्नै देशकी शेल्बी रोजर्ससँग पराजित भएकी हुन् ।

पूर्व विश्व नम्बर एक समेत रहेकी सेरेनाले पहिलो सेट ६-१ ले जितेकी थिइन् । तर, दोस्रो सेट ६-४ र तेस्रो सेट ७-६ ले गुमाएकी थिईन ।

२३ पटकको ग्राण्डस्लाम च्याम्पियन सेरेनाले आफ्नै दिदि भेनस विलियम्सलाई हराएर अन्तिम आठको यात्रा तय गरेकी थिइन् ।

रोजर्सले एनी फर्नान्डेजलाई हराएकी थिइन् ।

यस प्रतियोगितालाई खेलाडीले युएस ओपनको तयारीको रुपमा लिएका छन् ।

युएस ओपन अगस्ट ३१ बाट सुरु हुने बताईएको छ ।