जोकोभिकले युएस ओपन खेल्ने

एजेन्सी । विश्व नम्बर एक टेनिस खेलाडी नोभाक जोकोभिकले यस वर्षको युएस ओपन खेल्ने भएका छन् ।

सर्बियन स्टार जोकोभिकले बिहीबार सामाजिक संजालबाट आफुले युएस ओपन खेल्ने निर्णय गरेको बताएका छन् ।

यस्तै जोकोभिकले सिनसिनाटी ओपन समेत खेल्ने बताएका छन् ।

'सिनसिनाटी र युएस ओपन खेल्ने पक्का गर्दा म खुशी छु,' ट्वीटरमा जोकोभिकले लेखेका छन्, 'धेरै पक्षको अवरोध र चुनौतीबीच यो निर्णय सहज थिएन ।'

न्युयोर्कमा हुने सिनसिनाटी अगस्ट २० देखि २८ सम्म आयोजना हुँदैछ ।

यस्तै युएस ओपन अगस्ट ३१ बाट सुरु हुँदैछ ।

३३ वर्षीय जोकोभिकले ३ पटक युएस ओपन जितेका छन् ।

कोरोना भाईरसको महामारीको कारण पछिल्लो ठुला खेलाडीले प्रतियोगिता नखेल्ने बताईरहदा जोकोभिक भने खेल्न तय भएका हुन् ।

स्पेनिस राफायल नाडालले युएस ओपन नखेल्ने बताईसकेका छन् ।

यस्तै महिलाको विश्व नम्बर एक एस्लेईघ बार्टी, युक्रेनी खेलाडी एलिना स्विटोलिना र डच खेलाडी किकी बेर्टेन्सले युएस ओपन नखेल्ने बताईसकेकी छिन् ।