एजेन्सी । अमेरिकी सेरेना विलियम्सले टप सिड ओपन टेनिसमा विजयी सुरुवात गरेकी छिन् ।
लेक्सिनटनमा मंगलबार राति भएको खेलमा बेर्नार्डा पेरालाई पराजित गर्दै विलियम्सले विजयी सुरुवात गरेकी हुन् ।
पूर्व विश्व नम्बर एक समेत रहेकी सेरेनाले पहिलो सेट ४-६ ले गुमाएकी थिइन् । तर, दोस्रो सेट ६-४ र तेस्रो सेट ६-१ ले आफ्नो बनाउदै सेरेनाले सुखद सुरुवात गरेकी हुन् ।
२३ पटकको ग्राण्डस्लाम च्याम्पियन सेरेनाले अब अन्तिम १६ मा आफ्नै दिदि भेनस विलियम्ससँग खेल्ने छिन् ।
भेनसले भिक्टोरिया अजेरिन्कालाई ६-३ र ६-२ को सेटमा हराएकी थिइन् ।
कोरोना भाईरसको महामारीको कारण करिब ६ महिनापछि व्यवसायिक टेनिस फर्किएको हो ।
यस प्रतियोगितालाई खेलाडीले युएस ओपनको तयारीको रुपमा हेरेका छन् ।
युएस ओपन अगस्ट ३१ बाट सुरु हुने बताईएको छ ।
-1732413260.jpg)
