एजेन्सी । कोरोना भाईरसको कारण मड्रिड ओपन टेनिस यस वर्ष नहुने भएको छ ।
मड्रिड ओपनको आयोजक कमिटीले बुधबार प्रतियोगिता रद्द गरिएको जनाएको छ ।
कोरोनाको महामारी कायम रहेको कारण प्रतियोगिता रद्द गरिएको आयोजकले विज्ञप्तिमार्फत जनाएको छ ।
क्ले कोर्टमा खेलिने मड्रिड ओपन मे महिनामा आयोजना हुँदै आएको थियो ।
तर, कोरोनाले स्थगित यस वर्षको प्रतियोगिता आगामी सेप्टेम्बरमा १२ बाट गर्ने तयारी गरिएको थियो ।
पछिल्लो समय स्पेनिस राजधानीमा कोरोना संक्रमितको संख्या तिब्र गतिमा बढ्न थालेपछि आयोजकलाई प्रतियोगिता रद्द गर्न दबाब बढेको थियो ।
स्पेनमा मात्रै हालसम्म ३ लाख बढी मानिसमा संक्रमण देखिएको छ । यस्तै २८ हजार ४ सय ९८ जनाको मृत्यु भईसकेको छ ।
-1732413260.jpg)
