कीर्गियोसले युएस ओपन नखेल्ने

एजेन्सी । अष्ट्रेलियन टेनिस खेलाडी निक किर्गियोसले युएस ओपन टेनिस नखेल्ने भएका छन् ।

कोरोना भाईरसको डरको कारण किर्गियोसले युएस ओपन नखेल्ने भएका हुन् ।

किर्गियोसले सामाजिक संजालमा एक भिडियो पोस्ट गर्दै आफुले युएस ओपनबाट नाम फिर्ता लिएको जनाएका छन् ।

'मैले यस वर्षको युएस ओपन खेल्ने छैन । खेलकुदको ठुलो एरिनाको प्रतिस्पर्धाबाट बाहिर रहदा दुखि छु,' ४० औं वरीयताका उनले भनेका छन् ।

यस वर्षको युएस ओपन अगस्ट ३१ मा सुरु हुनेछ । प्रतियोगिता सेप्टेम्बर १३ मा सकिनेछ ।

कोरोना भाईरसको कारण प्रतियोगिता दर्शकबिना खेलाईने बताईएको छ ।