जोकोभिक कोरोनाबाट मुक्त

एजेन्सी । विश्व नम्बर एक टेनिस खेलाडी नोभाक जोकोभिक कोरोना भाईरसबाट मुक्त भएका छन् ।

कोरोना पोजेटिभ देखिएको ९ दिनपछि जोकोभिक कोरोना मुक्त भएका हुन् ।

जोकोभिकले बिहीबार एक विज्ञप्ति निकाल्दै आफ्नो पछिल्लो कोरोना टेस्ट नेगेटिभ आएको बताएका छन् ।

यस्तै जोकोभिकले श्रीमती जेलिनाको पनि कोरोना रिपोर्ट नेगेटिभ आएको बताएका छन् ।

एड्रिया टुर अन्तर्गत दोस्रो लेगको प्रतियोगिता खेल्न क्रोएसिया पुगेका जोकोभिकलाई गत साता कोरोना देखिएको थियो ।

जोकोभिकसँगै उनका प्रशिक्षकमा समेत कोरोना देखिएको थियो ।

यस्तै एड्रिया टुर खेलिरहेका बुल्गेरियाका ग्रिगोर दिमित्रोभ र क्रोएसियाका बोर्ना कोरिकलाई समेत कोरोनाको संक्रमण भएको थियो ।