जोकोभिकका प्रशिक्षकलाई कोरोना संक्रमण

एजेन्सी । विश्व नम्बर एक टेनिस खेलाडी नोभाक जोकोभिकका प्रशिक्षक गोरान इभानीसेभिकलाई कोरोना भाईरसको संक्रमण देखिएको छ ।

पूर्व विम्बल्डन च्याम्पियन समेत रहेका प्रशिक्षक गोरानले शुक्रबार कोरोना भएको बताएका छन् ।

एड्रिया टुर अन्तर्गत दोस्रो लेगको प्रतियोगिताका लागि जोकोभिकसँगै क्रोएसिया पुगेका गोरानलाई कोरोना देखिएको हो ।

गोरानले आफु सेल्फ आईसोसेलनमा रहेको र आफु स्वस्थ्य रहेको बताएका छन् ।

एड्रिया टुरमा सहभागीमध्ये कोरोना देखिने उनी चौंथो व्यक्ति हुन् ।

यस अघि जोकोभिकसँगै बुल्गेरियाका ग्रिगोर दिमित्रोभ र क्रोएसियाका बोर्ना कोरिकलाई कोरोना देखिएको थियो ।