क्रोएसियाका कोरिकलाई कोरोनाको संक्रमण

एजेन्सी । क्रोएसिया टेनिस स्टार बोर्ना कोरिकलाई कोरोना भाईरसको संक्रमण भएको छ ।

विश्व वरियताका ३३ औं स्थानका कोरिकले सोमबार सामाजिक संजालबाट आफुलाई कोरोना भएको बताएका छन् ।

एड्रिया टुर अन्तर्गत घरेलु कोर्टमा जारी दोस्रो लेगको खेल खेलिरहेका कोरिकलाई कोरोना देखिएको हो ।

'मलाई कोरोना पोजेटिभ भएको जानकारी दिन चाहन्छु । कृपया मसँग सम्पर्कमा रहनु भएका सम्पूर्णले परिक्षण गराउनु होला,' ट्वीटरमा उनले लेखेका छन् ।

कोरोनाको संक्रमण देखिने उनी दोस्रो ठुला टेनिस खेलाडी हुन् ।

यस अघि बुल्गेरियाका टेनिस स्टार ग्रिगोर दिमित्रोभलाई कोरोना देखिएको थियो ।

दिमित्रोभ पनि एड्रिया टुरमा प्रतिस्पर्धा गरिरहेका थिए ।

शनिबार कोरीच र दिमित्रोभले प्रतिस्पर्धा गरेका थिए ।

दुई खेलाडीमा कोरोना देखिएपछि नोभाक जोकोभिकको अगुवाईमा जारी प्रतियोगिता स्थगित गरिएको छ ।