बोस्टन म्याराथन रद्द

एजेन्सी । अमेरिकामा आयोजना हुने बोस्टन म्याराथन यस वर्ष नहुने भएको छ ।

कोरोना भाईरसको महामारीको कारण बोस्टन म्याराथन रद्द गरिएको हो ।

गत अप्रिल २० मा तय भएको म्याराथन कोरोनाको कारण १४ सेप्टेम्बरसम्मका लागि स्थगित गरिएको थियो ।

तर, बोस्टनका मेयर मार्टि वाल्शले सर्वसाधारणको स्वास्थ्यलाई ख्याल गर्दै प्रतियोगिता नहुने बताएका छन् ।

बोस्टन म्याराथनको १ सय २४ वर्षे इतिहासमा पहिलोपटक प्रतियोगिता रद्द भएको हो ।

प्रतियोगिता सन् १८९७ बाट हरेक वर्ष आयोजना हुँदै आएको थियो ।

गत वर्ष पुरुषतर्फ केन्याका लवरेन्स चेरोनो र महिलामा इथोपियाकि वर्कनेस डेगेफाले उपाधि जितेका थिए ।