काठमाडौं । अखिल नेपाल फुटबल संघ (एन्फा) ले सहिद स्मारक 'ए' डिभिजन लिग फुटबलको प्राविधिक प्रतिवेदन (टेक्निकल रिपोर्ट) सार्वजनिक गरेकाे छ ।
एन्फाले शुक्रबार राखेप सदस्य सचिव रमेश सिलवालबाट लिगको गतिविधि समेटिएको प्राविधिक प्रतिवेदन सार्वजनिक गरेकाे हाे ।
एन्फा अध्यक्ष कर्मा छिरिङ शेर्पाले प्रतिवेदन राखेप सदस्यसचिव रमेश सिलवाललाई हस्तान्तरण गरेका थिए ।
सहिद स्मारक 'ए' डिभिजन लिग सकिएको करिब ३ महिनापछि एन्फाले राखेपलाई टेक्निकल रिपोर्ट बुझाएको हो ।
लिग गत वर्षको फागुनमा सम्पन्न भएको थियो । लिगको उपाधि पहिलो पटक मछिन्द्र फुटबल क्लबले जितेको थियो ।
टेक्निकल रिपोर्टमा लिगको विजेताको नाम, सहभागी क्लब, लिगमा भएका सबै गतिविधी, खेलाडीको नामावली, पहेलो कार्ड, रातो कार्ड लगायतको जानकारी रहेको एन्फाले जनाएको छ ।
एन्फाको टेक्निकल रिपोर्ट हेर्न यहाँ क्लिक गर्नुहोस् ।
