काेराेना राेकथाममा रुपन्देही फुटबल संघको १ लाख सहयोग

काठमाडौं । महामारीको फैलिएको कोरोना भाईरस रोकथामका लागि रुपन्देही जिल्ला फुटबल संघले आर्थिक सहयोग गरेको छ ।

सामाजिक उत्तरदायित्व अन्तर्गत रुपन्देही जिल्ला फुटबल संघले बुटवल उप–महानगरपालिकालाई १ लाख १ हजार रुपैयाँ आर्थिक सहयोग गरेको हो ।

जिल्ला फुटबल संघका अध्यक्ष दिर्घबहादुर केसी (कुमार)ले उपमहानगरका मेयर शिब सुबेदीलाई सहयोग रकम हस्तान्तरण गरेका थिए ।

उनले सामाजिक उत्तरदायित्व सम्झिएर फुटबल संघ परिवारकातर्फबाट स्थानीय नगरपालिकालाई आर्थिक सहयोग गरेको बताएका छन् ।

संघले उपमहानगरको बिपत व्यवस्थापन राहत कोषमा सो रकम प्रदान गरेको हो ।

जिल्ला फुटबल संघले प्रत्येक बर्ष तिलोत्तमा गोल्डकप फुटबल प्रतियोगिता समेत आयोजना गर्दै आएको छ ।