वाटफोर्डसंग जोडिदै केल्मी

एजेन्सी । प्रिमियर लिग फुटबल क्लब वाटफोर्डले खेल सामाग्री कम्पनी केल्मीसंग प्रायोजन सम्झौताको तयारी गरेको छ ।

खेल सामाग्रीको रुपमा एडिडाससंग काम गर्दै आएको वाटफोर्डले नयाँ सिजन खेल सामाग्री कम्पनी परिवर्तन गर्ने तयारी गरेको हो ।

वाटफोर्डले एडिडासलाई छाड्दै केल्मीलाई नयाँ खेल सामाग्री कम्पनीको रुपमा सम्झौता गर्न लागेको छ ।

खेलकुद समाचार संस्था द एथ्लीट यूकेका अनुसार एडिडाससंगको वर्तमान सहकार्य अन्त्य गर्दै वाटफोर्डले केल्मीसंग नयाँ सम्झौता गर्न लागेको हो ।

सम्झौताको औपचारिक घोषणा आगामी महिना सार्वजनीक गर्ने तयारी छ । वाटफोर्डले थ्री स्ट्रिप कम्पनीसंग सहकार्य अन्त्य गर्ने बताईसकेको छ ।

विश्व खेल सामाग्री कम्पनी केल्मीले आक्रमक बजार विस्तारको योजना अनुसार युरोपका ठुला क्लबसंग सहकार्य गर्ने रणनीति अघि सारेको छ । सोही अनुसार उसले प्रिमियर लिग क्लबसंग नयाँ सम्झौता गर्न लागेको हो ।

केल्मी नेपालको राष्ट्रिय फुटबल टिमको समेत आधिकारिक खेल पोशाक कम्पनी हो । उसले नेपालको महिला र पुरुष राष्ट्रिय फुटबल टिम सहित ए डिभिजन क्लबहरुलाई प्रायोजन गर्दै आएको छ ।

केल्मीले छोटो समयमा नेपाली खेल बजारमा आफुलाई स्थापित खेल सामाग्री ब्राण्डको रुपमा स्थापित गरेको छ ।