तेक्वान्दोका खड्का अन्तराष्ट्रिय सल्लाहकारमा नियुक्त

काठमाडौं । तेक्वान्दोका अन्तर्राष्ट्रिय निर्णायक अशोक खड्का थाइल्यान्ड तेक्वान्दो संघ अन्तर्गत थाइल्यान्ड बहिरा तेक्वान्दो संघको सल्लाहकारमा नियुक्त भएका छन् ।

सल्लाहकारमा चयन भएसंगै खड्काले संघले सञ्चालन गर्ने विभिन्न गतिविधिमा आफ्नो राय, सुझाव दिन पाउने छन् ।

खड्का ग्योरोगी, पुम्से र पाराका अन्तर्राष्ट्रिय निर्णायक हुन् ।

खड्काले आफूलाई विश्वास गरेर जिम्मेवारी दिएकोमा धन्यवाद दिदै आफ्नो क्षमता प्रमाणित गर्ने अवसरका रुपमा लिएको बताएका छन् ।