फिफा भन्छ – फुटबल सुरु गर्न हतार नगरौ

एजेन्सी । विश्व फुटबलको सर्वोच्च निकाय फिफाले कोरोना भाईरसको कारण रोकिएको फुटबल सुरु गर्न हतार गर्न नहुने बताएको छ ।

फिफा अध्यक्ष जियानी ईन्फान्टिनोले फुटबललाई जति सक्दो चाँडो सुरु गर्न खोज्नु गैरजिम्मेवार हुने तर्क अघि सारेका छन् ।

कोरोनाका कारण विश्वभरका घरेलु फुटबल स्थगित अवस्थामा छ । महामारीकै कारण युरो २०२० र कोपा अमेरिका एक बर्ष पछाडी धलेकिएको छ ।

‘खेल नहुनु, प्रतियोगिता नहुनु, लिग नहुनु भनेको कुनै पनि एक मानव जातिलाई खतरामा राख्न सही छैन ।’ ईन्फान्टिनोले भनेका छन् ।

‘खतरा मोल्नु भन्दा केही समय पर्खनुनै राम्रो हुन्छ ।’ उनले भनेका छन् ।

विश्वभर महामारी फैलिएपनि केही देशमा भने फुटबल सञ्चालन भईरहेको छ । बेलारुस, बुरुन्डी, ताजकिस्तान जस्ता देशको घरेलु फुटबल चलिरहेको छ ।

विश्व फुटबलको सर्वोच्च निकाय फिफाका अध्यक्ष ईन्फान्टिनोले सुरक्षानै पहिलो प्राथमिकतामा पर्ने उल्लेख गरे ।

‘पर्याप्त तनाव लिन सक्दिन ।’ उनले सदस्य संघलाई भनेका छन्, ‘हाम्रो पहिलो प्राथमिकता, हाम्रो सिद्धान्त, हामी आफ्ना प्रतियोगिताको लागि उपयोग गर्नेछौ । र सबैलाई पालना गर्न प्रोत्साहीत गर्नेछौ । र स्वास्थ्य पहिलो प्राथमिकतामा आउनेछ ।’

विश्वभर फुटबललाई कसरी सुरुवात गर्ने भन्ने बिषयमा छलफल भईरहेको छ ।

विश्वभरको अधिकांश क्लबले खेलाडीको तलब कटौती गर्दै वर्तमान वित्तिय संकटलाई टार्दै आएका छन् ।

‘सतप्रतिशत सुरक्षित नभएको अवस्थामा फुटबल पुन सूर गर्न दबाब दिनु गैरजिम्मेवारी हुनु हो ।’ उनले भनेका छन् ।