एजेन्सी । अन्तराष्ट्रिय ओलम्पिक कमिटि (आईओसी)ले सन् २०२० मा टोकियोमा हुने तय भएको ओलम्पिक खेल स्थगित गर्ने तयारी गरेको छ ।
महामारीको रुपमा फैलिएको कोरोना भाईरसका कारण आईओसीले निर्णयका लागि चार हप्ताको समय लिने भएको छ ।
विश्वभरका एथ्लेटिक्स संघ र राष्ट्रिय ओलम्पिक कमिटिको दबाबका बीच आईओसीको कार्यकारी बोर्ड बैठक आईतबार सम्पन्न भएको छ । राष्ट्रिय ओलम्पिक कमिटिहरुले ओलम्पिक सार्न आईओसीमाथि दबाब बढाईरहेका छन् ।
'विश्वव्यापी रुपमा बिग्रिदै गईरहेको स्थितीलाई ध्यानमा राख्दै कार्यकारी बोर्डले आज आईओसीको परिदृष्यको योजनाको अर्को कदम सुरु गरेको छ ।' बिज्ञप्तीमा भनिएको छ ।
'यी परिदृष्य सन् २०२० को जुलाई २४ देखि अगाडी बढ्नका लागि सञ्चालनमा रहेका योजनाहरु परिमार्जन गर्न र खेलको सुरुको मिति परिवर्तन गर्न सम्बन्धित छ ।' निर्णयमा भनिएको छ ।
'रद्ध गर्ने कार्यसुचि हैन ।' आईओसीले भनेको छ, 'तर स्केल्ड डाउन खेलहरु पनि विचार गरिनेछ ।'
प्रतियोगिता केही महिना स्थगित वा पुरै बर्ष भन्ने बिषयमा निर्णय हुन सक्ने बताईएको छ ।
केही दिन अघिमात्र जापानले टोकियो ओलम्पिक निर्धारित समयमा गर्न आफु प्रतिबद्ध रहेको बताएको थियो ।
ब्रिटिस ओलम्पिक कमिटिका अध्यक्ष सर ह्युग रोबर्टसनले भनेका छन्, 'हामी आईओसीको कार्यकारी बोर्डको निर्णय स्वागत गछौ । ओलम्पिक खेलको स्थगनको सन्दर्भमा विकल्पमा समिक्षा गरिएको छ ।'
'यद्धपी एथ्लेटिक्सका लागि छिटो निर्णय लिन आग्रह गछौ । जसले अझै महत्वपूर्ण अनिश्चितताको सामाना गर्नुपर्छ ।' उसले थपेको छ ।
बेलयात लगायत धेरै ओलम्पिक कमिटिले खेल स्थगित गर्न आईओसीलाई सुझाव दिदै आएका छन् ।
