काठमाडौं । नेपाल ओलम्पिक कमिटि (एनओसी) को बोर्ड बैठकले विभिन्न ९ कमिसन गठन गरेको छ ।
सोमबार पोखरामा बसेको एनओसीको बोर्ड बैठकले कमिटिका गतिविधि सञ्चालनका लागि ९ कमिसन गठन गर्दै संयोजनको टुङ्गो लगाएको हो ।
बैठकले वुमन्स एण्ड स्पोर्ट्सको संयोजकमा ज्योती राणा, कल्चरको संयोजकमा रामजी श्रेष्ठलाई नियुक्त गरेको छ ।
यस्तै, मार्केटिङको संयोजकमा गोपाल कक्षपति तथा सदस्यमा तासी घले र प्रकाश शमशेर राणालाई जिम्मेवारी दिएको छ ।
स्पोर्ट्स फर अलको संयोजकमा विष्णु गोपाल श्रेष्ठ र मेडिकलको संयोजकमा सरोजकुष्ण श्रेष्ठ, स्पोर्ट्स साईकोलोजीमा ईन्द्र गुरुङ, पिस थट स्पोर्ट्समा रमेश महर्जन, स्पोर्ट्स एण्ड ईन्भ्यारोमेन्टमा गोवर्धन श्रेष्ठ, ईन्फर्मेसन एण्ड स्टाटिस्कमा मोहन नेपाललाई संयोजक तोकेको छ ।
एथ्लेटिक कमिसन भने चुनावको माध्यमबाट तीन महिनाभित्र गठन गरिने निर्णय भएको छ ।
बैठकले संघीय संरचना अनुसार सातै प्रदेशमा ओलम्पिक कमिटि गठन गर्दै ईन्चार्ज तोकेको हो ।
बैठकले प्रदेश एकको ईन्चार्जमा पिताम्बर तिम्सिना, प्रदेश दुईको संयोजकमा अशोक बज्राचार्य तथा सदस्यमा रामजी बहादुर श्रेष्ठ र प्रकाश राणा रहेका छन् ।
यस्तै, बाग्मती प्रदेशको संयोजकमा शुुनिलकुमार श्रेष्ठ, गण्डकी प्रदेशको संयोजकमा तेज गुरुङ तथा सदस्यमा तासी घले रहेका छन् ।
प्रदेश पाँचको संयोजकमा तुलसी थापा तथा सदस्यमा दिर्घ केसी, कर्णाली प्रदेशको संयोजकमा दिपकहर्ष बज्राचार्य र सदुरपश्चिम प्रदेशको संयोजकमा रतन टण्डनलाई जिम्मेवारी तोकेको छ ।
बैठकले सातै प्रदेशनमा ईन्जार्च सहितको प्रदेश कमिटि गठन गरेको हो । प्रदेश कमिटिले संघीय संरचना अनुसार प्रदेशको खेलकुद गतिविधिको संयोजन गर्नेछन् ।
बैठकले विभिन्न कार्यक्षेत्रलाई संयोजन गर्न तीन कमिटि गठन गरेको छ ।
एनओसीले गठन गरेको नेश्नल गेम्स र च्याम्पियनसिप कमिटिको संयोजकमा पिताम्बर तिम्सिना तथा सदस्यमा रामजीबहादुर श्रेष्ठ र दीर्घबहादुर केसी रहेका छन् ।
यस्तै अन्तराष्ट्रिय खेलको संयोजकमा निलेन्द्रराज श्रेष्ठ र एनओसी कार्यक्रमको संयोजकमा अशोकरत्न बज्रचार्य तथा सदस्यमा दिपक हर्ष बज्रचार्य, रमेश शिवाकोटी, राम अवाले रहेका छन् ।
यस्तै, गैरावशिय नेपाली संघको संयोजकमा तेजबहादुर गुरुङ तथा राष्ट्रिय खेलकुद संघको संयोजकमा चतुरानन्द राज बैद्य र सदस्यमा होम दोङ्ग रहेका छन् ।
बैठकले एनओसीको दैनिक कार्यलाई व्यवस्थित बनाउन कार्यकारी राख्ने निर्णय गर्दै सो पदमा उपाध्यक्ष चतुरानन्द बैद्यलाई नियुक्त गर्ने निर्णय गरेको छ ।
कमिटिको विद्यान अनुसार मानार्थ अध्यक्षमा ओलम्पिकका पूर्व अध्यक्षद्धय रुकम शमशेर राणा र ध्रुव बहादुर प्रधानलाई मनोनयन गर्ने निर्णय गरेको छ ।
यस्तै, एनओसीको सल्लाहकारमा पूर्वमन्त्रीद्धय पुरुषोत्तम पौडेल र शरद सिँह भण्डारीलाई तथा बरिष्ठ अधिवक्ता लोक भक्त राणालाई कानूनी सल्लाहकारमा मनोनयन गर्ने निर्णय गरेको छ ।
बैठकले एनओसीको वार्षिक साभारण सभाको दिन ओलम्पिक अभियानमा योगदान दिने विभिन्न ७ विधामा पत्रकार, खेल संघ र खेलाडीलाई नगद २५ हजार रुपैया सहित ओलम्पिक अवार्ड प्रदान गर्ने निर्णय गरेको छ ।
बालकालिकाका लागि एसियन गेम्स नेपालमा आयोजना गर्न सरकार र गण्डकी प्रदेश सरकारलाई आग्रह गर्ने निर्णय गर्दै बैठकले लामो समयदेखि उपचारको क्रममा रहेका कमिटिका पूर्व महासचिव लामा टेण्डी शेर्पालाई एनओसीबाट ५ लाख र एनओसीका पदाधिकारीबाट ५ लाख गरेर १० लाख रुपैयाँ सहयोग गर्ने निर्णय गरेको छ ।
बैठकमा एनओसी कार्यसमितिका १९ जनानै सदस्यको उपस्थिती रहेको थियो ।
जीवनराम श्रेष्ठ दोस्रो पटक अध्यक्षमा निर्वाचित भएर आएपछि एनओसीको पहिलो पटक बोर्ड बैठक बसेको हो । १३ औं दक्षिण एसियाली खेलकुद प्रतियोगिता साग आयोजना र सञ्चालनमा पटक पटक अनौपचारिक बैठक बसेपनि निर्वाचित कार्यसमितिको बोर्ड बैठक पहिलो पटक बसेको हो ।
