काठमाडौं । अखिल नेपाल फुटबल संघ (एन्फा) को १९ औं वार्षिक साधारण सभा बैठक स्थगित भएको छ ।
एन्फाले मंगलबार एक विज्ञप्ति निकाल्दै विश्वभर महामारीको रुपमा फैलिएको कोरोना भाईरस (कोभिड-१९) को जोखिमलाई मध्येनजर गरेर चैत तेस्रो साता तय भएको साधारण सभा स्थगित गरिएको जनाएको छ ।
एन्फाले वार्षिक साधारण सभा चैत १६ गते गर्ने तालिका रहेको थियो । तर, कोरोनाको संक्रमणलाई देखाएर फिफा र एएफसीका प्रतिनिधि नआउने भएपछि साधारण सभा रोकिएको हो ।
एन्फाले साधारण सभा अर्को सूचना जारी नभएसम्मका लागि स्थगित गरिएको जनाएको छ ।
