काठमाडौं । नेपाल वादोरियो कराते संघका अध्यक्ष तथा नेपाल कराते महासंघका महासचिव हरिशरण केसी “जन आकाश खेलकुद सम्मान” बाट सम्मानित भएका छन् । केसीले बिहिबार जन आकाश राष्ट्रिय साप्ताहिक प्रालिले आफ्नो एघारौं बार्षिकोत्सवको अवसरमा सम्मानित गरेको हो ।
नेपाली खेलकुदमा कुशल खेलाडी तथा प्रशिक्षक भई कराते खेल मार्फत अन्तराष्ट्रिय खेल क्षेत्रमा पदक हात पार्दै राष्ट्रको गौरव तथा प्रतिष्ठा उच्च राख्नुका नेपाल बादोरियो कराते संघको अध्यक्ष तथा नेपाल कराते महासंघको महासचिव जस्तो गरिमामय पदमा पुग्न सफल भएको भन्दै प्रालिले सम्मान गरेको हो ।
बिहिबार एक कार्यक्रमबिच पूर्व प्रधान तथा नेकपा मालेका महासचिव सि.पी. मैनालीले केसीलाई सम्मान पत्र प्रदान गरे । उक्त अवसरमा जन आकाशले विभिन्न क्षेत्रमा योगदान पुर्राउने १५ ब्यक्तित्वहरुलाई सम्मान गरेको थियो ।
